Rreth Seancave

Unë ofroj terapi online dhe në zyren time në Prishtinë.

Terapia Individuale

Në terapi individuale, ne punojmë së bashku për të kuptuar përvojat e tua për të krijuar ndryshime që janë të qëndrueshme dhe domethënëse.

Qoftë se je duke u përballur me stres, lodhje burnout, trauma, neurodivergjencë, cështje identiti, vetë-besimi apo sfida të lidhura me sëmundje kronike — unë ofroj një hapësirë të sigurt dhe gjithëpërfshirëse ku ti je e/i mirëpritur ashtu siç je.

Qasja ime kombinon metoda evidence-based me pune somatike, praktika mindfulness dhe teknika të rregullimit emocional — gjithmonë të adaptuara për ty dhe rrethanat e tua. Me ndjeshmëri kulturore në thelb, mbështes klientë me prejardhje të ndryshme për të ndërtuar rezilienvë, qartësi dhe një lidhje më të thellë me veten.

Ky është një proces bashkëpunues i dizajnuar të të ndihmojë të ecësh përpara me më shumë balancë, vetëdije dhe autenticitet — në një ritëm që ty të përshtatet.

Formati: online

Cmimi: 40 euro (45 minuta).

*cmimet vlejnë vetëm për klientët nga Kosova.

Më Kontakto

Si fillon procesi?

Pas shprehjes së intersimit tuaj të punoni me mua përmes plotësimit të formularit të kontaktit:

Konsultë njohtuese falas (15 min)

Nëse përshtatemi dhe vendosim të punojmë së bashku, e caktojmë "Intake" në lidhje me përpilimin e planit të trajtimit (60 min+30-40 min)

Pasi e shikojmë planin së bashku dhe pajtohemi me caqet dhe procesin, atehere fillojme me vetë punen

Përshtatshmërija

Para se të fillojmë punën së bashku, duhet të shohim sa përputhemi.

Jo çdo psikolog mund të ndihmojë këdo — dhe kjo është në rregull. Është përgjegjësi jonë profesionale të tregojmë kur diçka është jashtë fushës sonë dhe t’ju drejtojmë te dikush që mund t’ju ndihmojë më mirë.

Shërimi kërkon kohë, besim dhe mirëkuptim. Ndërtimi i marrëdhënies sonë do të jetë hapi i parë. Unë nuk e ngushtoj këtë proces.

Besoj se ju jeni eksperti i jetës suaj. Unë jam këtu t’ju dëgjoj, t’ju kuptoj dhe së bashku të zbulojmë çka ju shqetëson dhe çka mund të ndryshojmë që të ndiheni më mirë. Pastaj do të krijojmë një listë të qëllimeve që doni t’i arrini në terapi.

Në fund, zgjedhja është e juaja. Konsulta e parë (15 minuta) është falas, që të shihni nëse jemi një përputhje e mirë.

Shiko të gjitha shërbimet